|
Par strada
Cui zocar o a pé-biott,soéu la risciada
o sott a 'n portich déntar d'un purton,
giùgavan i bagaij cun un 'na brancada
da cécch o fùgùrett,d'ogni stagion.
Cui cérc fàvan ul giir da la cuntrada,
cun 'na balina - inveci dal balon -
giùgavan la partida in piazza o in strada ...
o a topa,a pola,a scùndas ai canton.
Alura gh'era minga il via-vàij
di màchin soéu l'asfalt,né i muturétt:
gh'era i carétt cui àsan ei cavàij.
Television,computer e giùghett,
incou,ga dann la papa fada in ca',
- beji robb muderni - ma i bagaij pinett
- par strada - hin minga bon da nà a giùgà.
La poesia della settimana è di Claudio Villa di Pontelambro da Nustalgia
|
